الوضع الليلي
أسئلة شائعة
الفلوس والاشتراك
منصتنا بتاخد نسبة من فلوس طلابي؟
لأ. فلوس طلابك بتوصلك إنت على طول: على حساب XPay بتاعك، أو تحويل فودافون كاش وInstaPay لمحفظتك، أو كاش في إيدك. إنت بتدفع اشتراك باقتك بس. شوف استلام الدفع من الطلاب.
عدد الطلاب أو الكورسات محدود؟
لأ، مفتوح في كل الباقات. الباقة بتحدد الحاجات اللي ليها تكلفة فعلية بس، زي تخزين الفيديو ومشاهدته والرسايل. شوف الباقات والحدود.
إيه اللي يحصل لو نسيت أجدّد؟
بتفضل كل حاجة شغالة 3 أيام بعد النهاية. بعدها رفع الفيديوهات ومشاهدتها والرسايل والمساعد الذكي بيقفوا، وبيرجعوا أول ما تجدّد. شوف التجديد وانتهاء الاشتراك.
طالب دفعلي كاش. أفتحله الكورس إزاي؟
من ملفه: إدارة الحساب ← فتح كورس للطالب. أو زوّد رصيده بالمبلغ، وهو يشتري بيه. شوف الطلاب.
طالب بيقول إنه حوّل ومش لاقي الكورس.
التحويل بفودافون كاش أو InstaPay مستني تأكيدك. افتح المالية ← دفعات بانتظار التأكيد، واتأكد إن الفلوس وصلتك، واضغط «تأكيد».
الطلاب
الطالب نسي كلمة السر.
مفيش كلمة سر للطلاب. الطالب بيدخل برقم موبايله وكود بيوصله في SMS، أو بحساب جوجل.
الطالب مش بيوصله كود الدخول.
- لازم يستنى دقيقة بين كل طلب كود والتاني، وأقصى حاجة 3 أكواد في 10 دقايق. الكود صالح 5 دقايق.
- لو ظهرله إن رسايل التحقق خلصت، يبقى رسايل الـ SMS في باقتك خلصت الشهر ده، ورصيدك مش كفاية يغطي الزيادة. اشحن رصيدك أو كبّر باقتك.
- في الحالتين، يقدر يدخل بحساب جوجل على نفس الإيميل المتسجّل عندك.
- لو حسابه موقوف، مش هيقدر يطلب كود خالص.
حد بيشارك حسابه مع زمايله. أعمل إيه؟
افتح ملف الطالب، وشوف تبويب الأجهزة. لو عايز تخرّجه من كل الأجهزة اضغط «خروج من كل الأجهزة». ولو عايز توقف الحساب خالص اضغط «إيقاف».
أقدر أخلّي الطالب يخلّص الدروس بالترتيب؟
أيوه. شغّل المفتاح اللي فوق محرر الكورس، فكل درس يفضل مقفول لحد ما الطالب يخلّص اللي قبله. شوف الأقسام والدروس.
ولي الأمر مش بيوصله إشعار الغياب.
اتأكد من الحاجات دي:
- واتساب متصل.
- إشعار الغياب عن الحصص متفعّل.
- الطالب ليه رقم ولي أمر متسجّل.
- ميعاد الحصة في حدود يومين.
الرسالة كمان بتتأخر 10 دقايق، وبتتلغي لو غيّرت الحالة في الوقت ده. شوف الحضور والمواعيد.
الامتحانات والمحتوى
الأسئلة المقالية بتتصحح؟
أيوه، بالذكاء الاصطناعي. انت بتكتب الإجابة النموذجية ونقاط التصحيح، وتختار لكل امتحان: الطالب يشوف درجة الذكاء على طول، ولا بعد ما تراجعها انت. ولو الذكاء ماقدرش يصحح إجابة، بتيجي لك تصححها بنفسك. شوف تصحيح الأسئلة المقالية.
الطالب يقدر ياخد الإجابات الصح من المتصفح؟
لأ. الإجابات الصحيحة ما بتوصلش لجهاز الطالب، والتصحيح بيتم على السيرفر.
المساعد الذكي بيحل الواجبات للطلاب؟
لأ. المساعد بيشرح ويساعد الطالب يفهم، لكن ما بيحلّش امتحان أو واجب بداله، ومش بيدّي الطالب محتوى من كورس ما اشتراش فيه. شوف المساعد الذكي للطلاب.
الفريق
عايز حد يساعدني من غير ما أديله حسابي.
ادعيه من الطلاب والفريق ← فريق الأكاديمية، واختار دوره: في أكاديمية المدرس الواحد أدمن أو مساعد، وفي السنتر مدير أو مدرس أو فريق دعم. كل دور بيقدر يعمل اللي يخصه بس، وإنت تقدر تعدّل صلاحيات أي دور من إدارة الأدوار. شوف فريق الأكاديمية والصلاحيات.