الوضع الليلي
الأرباح والتقارير
لوحة الأرباح المالية
المالية ← الأرباح المالية بتوريك الفلوس اللي حصّلتها من طلابك، وقصادها اللي دفعته لمنصتنا.
| الرقم | معناه |
|---|---|
| إجمالي الإيرادات المؤكدة | كل اللي طلابك دفعوه واتأكد، من أول ما فتحت الأكاديمية |
| بانتظار التأكيد | طلبات لسه ما اتأكدتش، زي التحويلات اللي مستنية تأكيدك |
| اللي دفعته لمنصتنا | كل اللي دفعته فعلًا: اشتراكات الباقة، والاستهلاك الزيادة اللي اتدفع من رصيدك |
| صافي أرباحك | الإيرادات المؤكدة ناقص اللي دفعته لمنصتنا |
وتحتهم كارت هذا الشهر:
- إيرادات مؤكدة هذا الشهر: الفلوس اللي اتأكدت من أول الشهر. التحويل بيتحسب في الشهر اللي أكّدته فيه.
- تكلفة باقتك للشهر: سعر شهر واحد من باقتك. لو باقتك سنوية بيتحسب سعر السنة ÷ 12، فالشهر اللي دفعت فيه السنة مش بيبان كأنه خسارة. وفي التجربة المجانية التكلفة صفر.
- الاستهلاك الزيادة من رصيدك الشهر ده.
- صافي الربح هذا الشهر: الإيرادات ناقص التكلفتين.
وتحتهم فيه اشتراكك الحالي (اسم الباقة، وشهري ولا سنوي، وسعرها، ومدفوع لحد إمتى)، ورابط سريع لـ الدفعات اللي مستنية تأكيدك.
INFO
الإيرادات هنا هي فلوس طلابك بس. تفاصيل باقتك ورصيدك وفواتيرك في الباقات والحدود.
السجلات بالتفصيل
| الصفحة | فيها إيه |
|---|---|
| المالية ← إدارة الفواتير | كل طلب شراء: الطالب، والمنتج، والمبلغ، وطريقة الدفع، والحالة |
| المالية ← سجل التحركات المالية | المدفوعات والاستردادات وحركة أرصدة الطلاب. تقدر تفلتر بنوع الحركة، وتدوّر باسم الطالب أو الموبايل |
| المالية ← أرصدة الطلاب | رصيد كل طالب وسجله. شوف كروت الشحن وأرصدة الطلاب |
التحليلات والأداء
صفحة التحليلات والأداء بتجمعلك صورة الأكاديمية كلها:
- إجمالي الطلاب، والأرباح والإيرادات.
- نسبة إكمال الدروس، ومتوسط درجات الاختبارات.
- رسم بياني للإيرادات والمبيعات والتسجيلات والمشاهدات على مدار الوقت.
- الاستهلاك: دقائق المشاهدة الشهر ده، ومساحة الفيديوهات المتخزنة، ونقاط الذكاء الاصطناعي اللي اتصرفت في المساعد الذكي وملخصات متابعة الطلاب.
حدود الاستهلاك دي جاية من باقتك. لو قربت تخلص، شوف الباقات والحدود.